வலைப்பதிவர்களுக்கு என் நன்றி!!!

நேற்று ஆர்க்குட்டில் முகம் தெரியாக நண்பர் ஒருவர் ஸ்க்ராப் (Scrap) செய்திருந்தார்.

“அன்பின் பாலாஜி…… ஆனந்த விகடனில் தங்களுடைய Blog முகவரி கிடைத்தது……. படித்தேன்……. தங்களை ஓர்க்குட்டில் தேடிப்பிடித்தேன்…….மேலும் தொடர மனமார்ந்த வாழ்த்துக்களுடன், ராம்குமார்”

நான் யாரோ எங்க பசங்க தான் கலாய்க்கிறானுங்கனு நெனைச்சிக்கிட்டு
“ராம் குமார்,மிக்க நன்றி.இருந்தாலும் ஆனந்த விகடன்ல பார்த்தன்னு கதை விட வேணாம்…”னு அவருக்கு ஸ்க்ராப் செய்தேன்.

அதற்கு பிறகு அவர் எனக்கு அந்த தொடரில் இருந்ததை டைப் செய்து அனுப்பினார். இருந்தும் எனக்கு நம்பிக்கையில்லை. அப்போழுது இந்திய நேரம் 4:00. இனையத்தில் முந்தைய பதிவே இருந்தது. சரி காத்திருப்போம் என்று இருந்தேன்.

காலை 7 மணிக்கு வீட்டிற்கு போன் செய்து, ஆனந்த விகடன் வாங்குமாறு சொன்னேன். ஆனால் விஷயத்தை சொல்லல. எங்கே பொய்யா இருந்தால் வீட்ல கஷ்டப்படுவாங்கனு சும்மா லேசா அதுல எங்க கம்பனி பற்றி வந்திருக்கிறதுனு சொல்லிட்டேன். சரி 9 மணிக்கு போன் செய் என்று அப்பா சொல்லிவிட்டார். (உண்மையை சொல்லியிருந்தால் உடனே வாங்கியிருப்பார்)

பிறகு நல்லா சமைச்சி சாப்பிட்ட பிறகு 9 மணிக்கு போன் செய்து உறுதிபடுத்திக் கொண்டேன். விட்ல ரொம்ப சந்தோஷப்பட்டாங்க!!! (ஒன்னும் நான் பெருசா சாதிக்கலனு அவுங்களுக்கும் தெரியும். இருந்தாலும் தமிழ் நாட்ல முன்னணி வார இதழ்ல நம்ம பையன் பேர் வந்திருக்கேனு ஒரு சந்தோஷம் தான்)

நான் முதல பிளாக் ஆரம்பிக்க போறன்னு என் friend ஒருத்தவங்கட்ட சொன்னப்ப உனக்கு எல்லாம் எதுக்கு இந்த வேலை அப்படினு தான் சொன்னாங்க!!!

என்னுடைய முதல் பதிவே ரொம்ப பிரச்சனைக்குரிய விஷயமா போனதுல ஒரு வருத்தம். சரி அதை ஈடு செய்யும் வகைல ஏதாவது செய்யலாம்னு யோசிச்சிட்டு இருந்தேன்.

அதே சமயத்துல நான் எங்க ரூம்ல இருந்து வந்தது ஒரு வெற்றிடத்தை உருவாக்கிவிட்டதுனு எங்க ரூம்ல இருக்கற பசங்க சொன்னாங்க. ரூம்ல வேலை தேடற பசங்க பொதுவா நம்ம இன்சார்ஜ் தான்.

ஒரு சிலருக்கு கம்பெனிக்கு போன பிறகும் போன் செய்து இதை படிச்சியா, அதை படிச்சியானு கேட்டுட்டே இருப்பேன். சரி நாமா இப்ப அங்க இல்லாத குறையை சரி செய்யனும் யோசிச்சப்ப தான் சரி நம்ம பிளாக்ல இதை பற்றியே எழுதிடலாம்னு எழுத ஆரம்பிச்சேன்.

நான் ஒன்னும் ரொம்ப சிறப்பா எழுதலனு எனக்கும் தெரியும். இருந்தாலும் நல்லா எழுதறனு ஊக்கமளித்த பாலச்சந்தர் கணேசன், வடுவூர் குமார் , நாகை சிவா, ஹரி ஹரன், syam ஆகியோருக்கு நன்றியை தெரிவித்து கொள்கிறேன்.

என்னுடைய பிழைகளை சுட்டிக் காட்டிய எழுத்துப் பிழையாருக்கும்,
தங்களுடைய அனுபவங்களை பகிர்ந்து கொண்ட குமரன், $elvan, வைக், கார்த்திக் ஆகியோருக்கும், எனக்கு எழுத ஆர்வமளித்த தமிழ்மண நிர்வாகிகளுக்கும், தமிழ் வலைபதிவர்களுக்கும் என் நன்றி. (யாரையாவது விட்டிருந்தால் மன்னிக்கவும்)

கடைசியாக என் முயற்சியை மக்களிடம் எடுத்து சென்ற விகடனாருக்கும், என். சொக்கன் அவர்களுக்கும் என் மனமார்ந்த நன்றி.